•° بينآ بـحۉر ۉ آنتي بالقلب يـآ نـــۉر °•

منذ /03-08-2010, 04:20 PM

•° بينآ بـحۉر ۉ آنتي بالقلب يـآ نـــۉر °•

قصة روعة اعجبتني حبييت اقولها لكمم

اتمنى تعجبكم و ارجو من الاعضاء عدم نشرها ((للامانه))

البااارت 1

نور بنت عمرها 16 سنة تدرس و متوفقة في دراستها تحب تلعب واييد بس بعد وقت الجد جد عايشة مع اهلها عندها

اخويين و ما عندها ولا اخت تعودت كل شى تطلبه يوصلها عنييدة لدرجة محد يتصورها جسمها حلو مو طويلة ولا

قصيرة يعني طولها متوسط عينها واسعة و بنية شعرها مو وايد طويل الى نص ظهرها تقريبا .....

ايمان (ايموو) صديقة نور الروح بالروح صار لهم الحين 9 سنوات مع بعض ما فرقتهم الأيام بس مو معاها في نفس

المدرسة كل اسبوع وحدة تروح الى الثانية بيتهم او يطلعون مع بعض ايموو بيضة.. شوي قصيرة شعرها بعد قصير و

لونه بني فاتح ..ايموو الثانية في عائلتهم عندها اخوها محموود اكبر منها و اختها الصغيرة سارة

و طبعا باقي الشخصيات بنتعرف عليهم مع احدااث القصة

نور تكلم ايموو ع الموبايل ..

نور: هاي ايمانوو شخبارج؟!

ايمان : الحمدلله بخير انتي شلونج؟

نور : اوكي ... اشرايج اليوم نطلع !!

ايمان : مادري بسأل امي و برد عليج ... انزين قولي حق الربع بعد

نور : اوكي ..

ايمان : نطري شوي بسأل امي الحين

......

ايمان : ماااااماااا .... مااامااا

ام ايمان : نعم ..( ام ايمان وااايد طيبة و حنووونة و تحب تقعد مع بناتها تسولف معاهم لكن ايمان الله يهداها ما تحب

تفتح قلبها الى امها .. امها واايد اجتماعيه و اذا احد من اصدقاء ايمان مروا البيت لها امها تحب تقعد معاهم و تسولف

تغير الجو و منها تونسهم )

ايمان : يصير اطلع اليوم مع نور

ام ايمان : و انتي كل يوم طالعه لنا بطلعه خاطري يمر اسبوع ما تطلعين من البيت

ايمان : البنت تنطر ع الموبايل شقول لها الحين !!

ام ايمان : انتي دايما تخليني في هالموقف حزة الحزة تقولين لي عندج جذي و جذي يعني ليش تسألين بعد شبقدر اقول لج !!

ايمان : عمري انتي فديتج والله تسلميين لي يالغالية و قعدت ايمان تقول من هالكلام الحلو الى امها ....

ايمان : رضت رضت و اخيرااا

نور : هههه اوكي يلا بروح الحين حق اتصل في شوق و اشواق

ايمان : لكن ما نبي علا تطلع معانا

نور : مب عدله ما نعزمها بتقول طلعنا و ما قلنا لها و بتسوي لنا قصة مالها اول ولا تالي

ايمان : افففف زين امري لله,, الله يصبرني عليها هالجم ساعة الي بنطلع فيهم

نور : اوكي يلا باااي

ايمان :باي

شوق و اشواق ربع ايمان و نور .. توينز مع ايمان في مدرسة كل وحدة احلى من الثانية ماشالله عليهم وااايد حلويين

شوق طبعها انها تحب تتضحك و تنكت واايد اما اشواق شوي فيها خجل يعني تحب تمزح و جذي بس اقل من اختها ..

و اي شى تسويه شوق اشواق وراها .....

عـلا انسانه حقوده .. تحب المظااهر تغار من ايمــان ليش انهـا دايم الدوم مع نور تبي تخرب علاقتهم تسوي اي شى

بس حق تحرج ايمان وتحــاول تخلي الي تسويه ايمان بمنتهى البشع حتى لو شي عادي ..... لكن ايموو ما تخليها و

دايما تسكتها و توقفها عند حدها .....

نور دقت ع الربع و اتفقت معاهم ان يروحون يتعشوون و بعدها يطالعون فلم في السينما

طبعا الكل وافق ....

السااعة 6:30 في بيت نور

نور : ليش توج ياية ترى عاادي بعد لو تأخرتي الى 8 ولا 9 بعد يكون احسن

ايمان: والله شسوي اخوي توى فاضي لي حق يوصلني

نور : انزين ما علينا بسامحج هالمرة يلا حق نلحق ع الربع

ايمان : علا معاهم !!

نور: اي اول وحدة وصلت المجمع

ايمان : افففف هالملقوفة الحين شفكني منها

نور : شوفي من الحين اقولج لا تسوين لنا سوالف معاها و تفشلوونه مثل كل مرة خل هالطلعة تمر ع خير

ايمان: والله لو انتي مو معاي منزمان راحت عليها انتي ما تدرين في المدرسة شسوي فيها

نور :ههه و من قالج مادري مسكينة دايما تشكي الحال

ايمان : انا اوريها و اعلمها شلون تشكي الحال مرة ثانية عدل

نور : انزين يلا نمشي بلا هرار ترى ما في وقت الساعة الحين 7 ...

الساعهـ 7:30 في مجمع السيف

نور , ايمان , علا, شوق و اشواق

نور : هلا والله شخباركم؟

شوق و اشواق: الحمدلله بخير ,, انتي شلونج !!

نور : انا بخير ,,,, وحشتوووووني

علا : يعني بس هم الي تسلميين عليهم و انا وين رحت ولا انا مب معاكم

ايمان : يلا عااااد بدينا

نور و هي تنغز لايمان انها تسكت : انا يوم اسلم سلمت عليكم كلكم و انتي ساكته ,,, ولا يهمج شخبارج شمسويه ؟

علا : بعد ما سلمتي و خلصتي ,, انا تماام

شوق تبي تغير الموضوع: اقول خل نتعشى بسرعة حق نلحق ع الفلم

راحوا البنات حق يتعشوون

قعدوا ع الطاولات الي صوب المطاعم

ايمان و نور طلبوا لهم باستا

و شوق و اشواق من مااك

و علا : خذت لها شى خفيف (خايفة ع رشاقتها الاخت )

المهم اثناء العشاااء ...

كل وحدة همها تااكل حق يروحون بعدها السينما و ايمان حالتها كاانت حدها مأساة الجبن ع ثيابها و تاكل بسرعة بسرعة

ما رفعت رااسها الا واحد فاضي قاعد و يطالعها شلون تااكل

ايمان انحرجت و صار ويهها احمر ,,,نزلت راسها و قعدت تطالع الطاولة كااانت الاخت حدها متفشلة من الموقف

نور : يـــه ايموو اشفيج مرة وحدة وقفتي هههه الا يشوفج قبل يقول اول مرة تاكلين و الحيين مرة وحده

نور انتبهت ان ايمان ويهها احمر رفعت راسها و قعدت تتلفت عرفت ان كان واحد يطالع ايمان

نور : ههههههههههههههههههههههههههههه تستاهلين حق مرة ثانية ما تاكلييين جذي

ظلت نور تضحك تضحك مرة وحدة ايمان طالعتها بنظرة خلها تسكت

ايموو ما كلت شى لين ما خلصوا الربع من العشا و بعدين راحوا حق يحجزوون لهم تذاكر

شروا التذاكر و دخلوا الفلم

كان الفلم رووعة

مرت هالساعتييين بسررعة و كل وحدة ردت بيتهم

منذ /03-08-2010, 04:21 PM

و الباقي في الجزء اللي بعده

منذ /03-09-2010, 10:56 AM

يسلمووو وايد حلو تسلمين

منذ /03-10-2010, 02:31 PM

@عسوله@

يسلمووو ع الرررد الحلوو !!

منذ /03-13-2010, 12:55 PM

يلااا ويين التفاعل ؟؟

منذ /03-13-2010, 12:59 PM

الباارت2

ام نور : صباح الخير توج رادة

نور بدلع : هلا يمه شخبارج وينج ما تبينيين اليوم

ام نور : ويني لو وينج انتي الي هايمة من المغرب للحين

نور : بعد شنسوي يمه ملل والله ملل

ام نور : احنا و هالملل مادري وين بنوصل معاكم كل شى قلتوا لنا ملل

نور : تامرين على شى يمه رايحة ارتاح شوي

ام نور : لا سلامتج

نور باست راس امها و راحت غرفتها

كانت نور حدها تعبانه تبي تنام ,,,,,

صار لها فترة تحاول تنام لكن ما قدرت

فتحت المسن

بنت خالتها اون قالت تتكلم معاها شوي و بعدين ترد تنام

و هي تكلم بنت خالتها فتحت موقع الثيمات حق تسوي لها للموبايل عن الملل

شافت ان مطرشيين لها رسالة

(هذا موقع بس الي يبي يسوي له ثيم يسجل فيه يعني كأن منتدى شى جذي) ان عادي الاعضاء يتواصلون مع بعض بالرسايل و هالسوالف

المهم قرأت الرسالة

هلا ممكن نتعرف انا من الامارات

كانت نور حدها متمللة و ما تعرف شتسوي غير انها ترد عليه

كتبت له

هلا خوي نتشرف (( تبي تغير الموضوع )) ما قلت لي شرايك في الثيمات الي اسويهم ؟؟

رد عليها

ثيماتج حلوه بس شكله ماعندج غير سوني

انا عندي نوكيا ؟

خبريني عنج شوي

قالت له لا عندي نوكيا و مسويه ثيمات له و اسمي نور من البحرين

طرش لها رسالة

هلا نور
وانا مهند من الامارات

ردت عليه اخاف تقص علي لكن اذا صج خلاص نسوي مسلسل من باجر و نكسل عليهم

بعدها حست نور انها تعباانه بندت الاب توب و استسلمت الى سلطان النووم

......

اليوم الثااني

الصبح الساعة 9 تقريبا

نور نايمة في غرفتها الي كأنها ثلج من الايسي (( الاخت في سابع نومه))

مرة وحدة يدخل اخوها بدر الصغير حجرتها

بدر: نووووووووووووووووووووووووووووووووووووور ,,, نووور

نور بتعب : اففف شتبي !!

بدر: يصير اخذ الوانج ابي احل الواجب الي علي

نور بعصبية : الحين مقعدني بس حق الوان يعني ما تقدر تاخذ بدون ما تقول لي لازم تعور راسي و تقعدني

بدر : انتي ما ترضيين اخذ اغراضج بدون ما اسال شسوي يعني

نور : هذا الي بذبحه روح روح لا ضربتك

بدر : هههه قصيت عليج ما ابي الوان اصلا صرت كبير و ما يعطونا نلون حق واجب و بعد انا عندي الوان ما ابي مالج اصلا

مرة وحدة قامت نور من ع السرير الي يشوف حالها و هي نايمة و الحين يقول عاطينها منشط ولا شى من هالقبيل

ظلت تركض ورى بدر لين ما تعبت و ردت غرفتها و اهي حدها منقهرة عليه

راحت خذت لها شوور ع السريع و قعدت ع النت (مالها مزاج الواجبات و تدرس حق الاختبارات )

فتحت المسن و قعدت تكلم صديقاتها

مرة وحدة تذكرت سالفة امس و فتحت الموقع بتشوف اذا وصلتها رسالة ولا لا

وصلتها رسالتييين

الاولى من رفيجتها و الثانية من مهند

اذا كنت مهند شو بتسوين للعلم اسمي مهند وابا اجرب الحب مع نور والحمدلله طلعتي انتي نور بس خايف ترفضين

نور حست ان ودها تضحك من قلب :يــــه اشفيه هذا قوية مرة وحدة عاد

ما عرفت شترد عليه توها صغيرة و الفرق بينهم 13 سنه

ما شالله الاخ في نهايه العشرييين الله يطول في عمره بس توها ع هالسوالف

طرشت له

توني صغيرة عمري 16 للحين و الفرق بيننا وااايد

كتب لها

كل العمر
بس يكفيني ان قلبك وعقلك كبير

و ما شاء لله عليه الاخ بعد ما يعطل قام طرش لها رسالة بعدها

تحبين اعطيج رقمي ع الاقل نتواصل مسجات بس
لاني بصراحه استحي

نور في قلبها : وييي يقول يستحي الحين الي يسمع وافقت اكلمه ولا لا حق يستحي
ما ردت عليه لان كانت تحس ان ما له داعي

بس بعدين ردت عليه و قالت له انت مو خاطب ولا شى لان الي في عمرك خطبوا حست ان احرجته

((على فكرة الموقع كاتبين انه عمره 29 ))

رد عليها::

لا عمري 21 شورايج تخطبيني يانور ونسوي جزء 2 جربتي الحب

قالت له شلون تقول عمرك 21 و مكتوب 29 ؟؟

قال :

لا تنسين انا اتحكم بعمري مب هم اغير ع كيفي بس ماتردين ع اسئلتي ليش ؟
اذا ماتبين نتعرف انتي حره بس ما اريد اخسرج واتمنى اذا زرت البحرين اشوفج ع فكره زوري صفحتج انا موقعلج ع ثيم هديه لج

مسكييين حاط لها ثيم فيه قلبين في صفحتها

بعد ما شافتها ..... قالت له هذا من ذوقك تسلم و ترى مو قصدي ما ارد ع اسئلتك ...

بعد ما طرشت له هذي الرسالة طلعت من الموقع

اتمنى اجوف ردود اكثر من البارت الي قبله

منذ /03-13-2010, 01:09 PM

البارتيييييين رووووووعه ..

واصلي واصلي بتمييززج ..

منذ /03-13-2010, 01:33 PM

ملاكـ روح ـي

رددج واايد اعجبني .. تسلميين

منذ /03-17-2010, 02:17 PM

الباااارت 3

بعد خمس دقايق رن موبايل نور
المتصل emo0

ايمان : هاااي

نور : هلا

ايمان : شخباار !

نور : بخير الحمدلله ,,

ايمان : تبين نطلع اليوم ؟؟

نور : لا علي اختبار باجر و لازم احل الواجباات الي علي الله يغربل المدرسة

ايمان : الحين بتسوين روحج شاطرة يعني يلا بلا هرار علي

نور: سوووري بس والله ما اقدر بحااول اخلص و اذا قدرت بطلع معاج

ايمان : مالت عليج الا يسمع مقطعة الكتب ,,,خلاص خلج في دراستج و انا بطلع مع امي

نور: ههه اوك

ايمان : باي

نور : بااااااي

بعدها مباشرة نور راحت تدرس ...

مر الوقت بسرعة و ما خلصت الا مع الاذان

صلت و راحت تقعد شوي مع بيتهم

عند شوق و اشواق

شوق : اقول اشواقوو خل نسوي شى حدي متمللة

اشواق : مثل شنو يعني !!

شوق : مادري اي شى

اشواق : شوفي اذا في بالج شى قولي لا تقعدين تلفيين و تدورين اعرفج انا ترى

شوق : المشكلة ما اقدر اجذب عليج ,, امم خل نسوي مقلب في بيتنا

اشواق: مقلب شنو بعد

شوق : سمعي بنطلع و بنخلي زهروو (بنت جيرانهم) تتصل ع البيت و تقول تبي وحدة منا و بعدها اذا بيروحون ينادونه ما بيلقونه و منها نروح حق ايموو لان تبي تطلع شرااايج !!

اشواق: لا اخاااف و اذا صار في امي شى بعدين شبستفيد منج و من افكارج ؟

شوق: يعني شبصير فيها خل نغامر شوي اشفيها يعني منزمان ما سوينا شى

اشواق: شوفي انا اكيد بسوي اي شى تسوينه لكن بعدين اذا كشفوناا بقول لهم ان انتي الا قلتي لي الفكرة مب اناا

شوق : اذاااا ,,يلا امشي حبيبتي خل نبدل حق نطلع و بدق ع زهروو

اشواق: انززين

راحت كل وحدة منهم تبدل و هم نازلين شوي شوي كأنهم حرامية الا الخدامه تشوفهم

شمس النهار ( ما عليكم من الاسم هنديه ) : شنوو في ؟؟

شوق: هذي الي بتفضحنا ,,, في حراامي

شمس النهار : ماماااا ماما في هرااامي انا ما يبي يمووت

اشواق : يلا عااااد دبرينا الحين

تنزل ام شوق : اشصااير ؟؟

شمس النهار: ماما شوق يقول في هرامي انا ما يبي يقعد هني يبي يروح الهند في بجا انا هرررام

ام شوق : شعندكم تجذبووون عليها و شلى مبدلين وين رايحيين ؟

اشواق: يمه هذي شوق مب انا

شووق ودها تقتل اختها : يمه ما عليج منها هذي كله تجذب اصلا ما قلنا لها ما شفناها الا تقول هرااامي هرررااامي تجذبيني و تصدقينها يعني ,,هذا و انا بنتج بعد

اشواق : اي يمه صح

ام شوق: توج تقولين هذي شوق

اشواق ما عرفت شترد و صار وييها احمر من الخوف : اقصد ان شوق قالت بنروح

ام شوق : على وين ان شاء لله !!

شوق : اتصلت زهرة بنت الجيران و قالت لنا تعالوا قلت لها اوكي و شفتج مشغولة ما حبيت اعطلج

ام شوق : انزين كل وحدة ترد وما في طلعة و كملوا دراستكم

شووق : ليش يمه

ام شوق : قلت لج روحي و بلا دلع

شووق : ان شاء لله

,,,,,,,

شووق: و انتي ما تعرفين تسكتيين صج مب مالت هالسوالف

اشواق: انتي ما شفتيها كأنها تعرف

شوق : و اشلون بتعرف غبية انتي صج غبية

اشواق عورها قلبها اختها تقولها غبية بس سكتت

الساعة 9

نور قعدت ع النت

كالعادة خلاص ادمنت البنت فتحت الموقع و شافت رسالة

بصبر بس اذا ممكن نتوصل عن طريق مسجات التلفون تحبين اعطيج رقمي اوانتي عطيني رقمج

نور ما ردت عليه لان بصراحة ما كانت تبي يصير بينهم شى و حست انه يجذب يقول عمره شى و مكتوب شى ثااني يعني شنو انا اتحكم بعمري بعد انت قبل كاتب ان عمرك 29 شلون بصير 21 سحر يعني

شافها طولت و ما ردت رد طرش رسالة

مثل ماتحبين بس انا قلت مسجات مب اتصال فديتج
و سوى روحه شوي زعلان

كتبت له
ما فيي شى يستاهل حق تزعل

رد عليها

ازعل .زعلت وايد مافاد الزعل بشي انا فرحان وايد برسايلج

طرشت له عن مزح
تزعل و انا الي منك زعلان .... و باقي الاغنية ما اعرف كلماتها

كتب لها
يقولون في الاغنيه
تجرح وتقسي قلب مغليك غالي معي لوكان لي كان
فهمتي عاد

نور ما فهمت شى بس حق لا تفشل روحها طرشت له
ههههههههههه اي تذكرت المقطع و فهمت

بعدها قال لها على الاقل عطيني ايميلج
كسر خاطرها و عطته الايميل و هي ما تدري اشصار فيها و اصلا ولا هالحركات حركاتها

ضافها و ظل شوي يكلمها
مهند:من وين بالبحرين؟

نور:يـعني تعرف المناطق الي في البحرين ؟؟

مهند:المشكله اني نسيتي لاني اخر مره زرت البحرين كان من زمان بس اللي اعرفهن المنامه المحرق مدينه عيسى شارع الحب مجمع السيف هذا اللي اذكره شو رايج

نور ما عرفت شارع الحب بس ما حبت تسأل شبقول عنها في البحرين و انا الي مب في البحرين اعرف اكثر منها
قالت له انها مشغوولة و طلعت

مرت ايااام..... اسابيع و للحين ما فتح المسن مهند ولا كلم نور

نور من قبل قالت حق ايموو كل شى لانها اقرب وحدة لها
فقررت انها تقول حق ايمانوو عن السالفة و انه ما يقعد ع المسن

نور :هاي شخبارج؟

ايمووو: الحمدلله بخير انتي شلونج؟

نور : اوكي ... ايمووو تتذكرين مهند الي كلمتنج عنه منزمان ما طرش لي مسج تتوقعينه نسى السالفة ولا للحين يفكر فيني

ايمووو: نوروو اشفيج ليكون حبيتييه انتي مب مالت هالسوالف شلي انقلب ؟؟
نور : افف ايمانوو مادري انا بكبري مب مصدقة الي اقوله
ايمووو: مادري انزين انتي قلتي ان عطاج رقمه خلاص دقي عليه و شوفي شسالفة و منها تتطمنيين عليه اذا في شى

نور : بس فشلة اشبقول عني ... بس والله له وحشة قبل ع الاقل يسأل يمزح الحين ما له حس كلش

ايمووو : تدرين امرج اليوم و بنتصل له من رقمي القديم حق لو ما عجبج اسلوبه ولا شى ما يكون من رقمج و يأذيج

نور : اوكي خلاص متى بتمررين؟

ايموووو: على الساعهـ خمس تقريبا اخلي اخوي يوصلني

نور : انشالله يلا بقوم الحين وراي اختبار

ايمووو: اوكي باااي

ما عرفتكم على شخصية مهند
مهند أبيض جمييييل لدرجة انه اي وحدة تشوفه تتخبل عليه خشمه طويل حواجبه مرسومين شعره اسووود ناعم و حده كيوووووت

منذ /03-17-2010, 07:32 PM

اممم الباارت حده فننن ..

صج هالروايه فللته ..

بانتظار الباقي ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات