اروع الشعراء المصرين

02-05-2010, 09:51 PM

الشعر العامى المصرى

رباعيات الشاعر المصرى –احمد الهمامى

كومـــــــيديا ســـودا وطول عـمري عايش فيها
وكــــــأنها مسرحيه ميلودراما وأنا البطل ليها
الـــــــــــــــفرح لو جـــــاني أدوق لــــذته دقايق
والحزن لو جاني مين يحاكمه والدنيا يقاضيها
وآه

* * *
لاعيب كونكـــــان ودور بــــعد دور
يكســــــب يقش ويمـــــــلاه الغرور
ويمــــــجد عظمته وفنه ومــهارته
لعب باللي كسبه قام فاز بالخــابور
وآه

* * *
الممـــــــــــــــكنات قابـــــــلـوا اللاآت
في مــــــــــــــــناظره بين المعكوسات
الممـــــــــــــــــــــــكنات قالـــــت يجوز
الـــــــــلاآت ردت ده مـــــــــــــــــــــات
وآه

* * *
هوأنــــــــــــــــامـــــــوعودبـدُول
ولا دائــــــــــــي مالوش حـــــــلول
الأطبا والدوا هما هما متغـــيروش
قرص قبل وقرص بعد والمـــحلول
وآه

* * *
بــــــــروفه قــبل العرض خليــك معـايا
هــمثل تمثل هغني تغني وتــردد ورايـا
ستــــــــاند باي 14 أول مـــره أكشــن
مــــحلى الخيـــال العالي قـدام الــمرايا
وآه

* * *
عيني رأت إنســـــــــــــان بِدِيــل
ياااه للعجـب ويــــــاااه للـــــويل
معقوله ممكن! وده نــــتاج إيـه
إنسان وحـيوان ولا شقاوة ليـل
وآه

* * *
القلــــــب لو حـــب ليــــــه بيـتغير
والحـــــب أصــلا ليه زمانه قصير
أنا نفـــسي أقـــابل الــهوى الأبدي
وأعيش معاه بقيه عمري الصغير
وآه

* * *
الســــر لو بين 3 يبقى إعـــــــلان
واللــي ما يدورعليه قصاده يبـــان
وتلاقي أمة لا إله إلا الله عــــرفت
وسيرتك تبقى حكايه في كل لسان
وآه

* * *
الســـــم لو كــــان في العســــــــل هيـــمر
ولو كـــــــان طعمه عــلقم أو مرار المـر
ساقي الشراب لو كان جميل ماتـصدقوش
واســــــــــمع نصيحتي ده الجـــمال بيـــغر
وآه

* * *
اسمــــع يا ولدي نصيحة أبــــوك
إيـــــــــــاك تآمــن للي بــــــاعوك
دا إحنا في زمــان متصـدقش فيـه
حتى اللي من دمـك واللي جابـوك
وآه

* * *
يا كــــــل كلمة حب ع الأرض مـــــوجوده
روحـــي لحبيبي وبلغيه إني بحبه موعوده
وعايــشه ليه.. ودايبه فيه.. وقولـيله ليـه
ممــــــــدش إيــــــديه مع إن إيديا ممدوده
وآه

* * *
انـــــــا ابــن 20 يـــوم ولسـه في اللفه
وسبوعي لــما اتعمل كان أحلى م الزفه
يــــــــــا رب 20 سـنه يعـــــدوا واتجوز
عـــــــروسه زي الــــقمر ودمــــها خفه
وآه

* * *
أنا الــمصري الأصـــــيل والدليــــل طيبـتي
مشهور بحــب الـــناس ودي بقي مصـيبتي
جــــــــــــايز بتســــاهل في حــــقي ساعات
لكن اللي يعرفني يقولك عليا حقي برقبــتي
وآه

* * *
أنا نفسي أحـــــب حنا و حنـــا يحـــــــبـني
ويكون أخـويا بجد وف حضـــــنه يضـمني
ونحطم الســـدود ونشيل كــــــــل الحـــدود
وعلى طول الاقيه موجود وتملي يــودني
وآه

* * *
الدنـــــيا أعلنت يوم في الجـــــرايد
إنها عايزه تبيع الناس أو تقـــايض
3 بس ســــحبوا كراسه الشــروط
والـ 3 انسحـــــبوا ولا حد فايـــض
وآه

* * *
الدنــــــــيا لو بالأصول تمشي .. مين اللي يبكـي
ولو كل واحد خد نصيبه الصح.. مين اللي يشكي
لكن هــــــــــي كده منحله وماشيه على كيـــــفها
ولا حد بيوقفها ولا حد بيكتفها وآخرنا كده بنحكي
وآه

* * *
يا شهــر أكـتوبر يا نمــــره عشــره
ولادك عـباقره وعشره على عشره
منــــــاخك جــــميل ويشـــفي العليل
ويا ريتك تزيد عن غــيرك بعشـره
وآه

* * *
نقطـــــه مرور ولازم تــهـــدي
يا إما هتـــــركن يا إما تعــدي
وكله بيمشــــي بمزاج الحــكم
واهو حبه يجيب وحبه يــودي
وآه

التميز خلال 24 ساعة
العضو المميز	الموضوع المميز	المشرف المميز	المشرفة المميزه
	∫∫ڝــح أﯜ خــڟأإ ∫∫ مــﻋ تــڝـﺢــيــﺢ الخــڟأإ ∫∫ بقلم : JaAaAmOo

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات

اروع الشعراء المصرين

سَتآإُيُلَ إُلشُعرَ وٍإلأدُبَ

اروع الشعراء المصرين